ಸಕಲೇಶಪುರ ಜೂ 3: ಹಾಸನ ಜಿಲ್ಲೆ:ಟಿಪ್ಪು ಸುಲ್ತಾನ್ ಅವರ ರಾಜಕೀಯ ವೀರತನ ಹಾಗೂ ಇತಿಹಾಸದ ಜೀವಂತ ಸಾಕ್ಷಿಯಾಗಿರುವ ಮಂಜರಾಬಾದ್ ಕೋಟೆ ಇತ್ತೀಚೆಗೆ ತೀವ್ರ ಭೂಕುಸಿತ ಹಾಗೂ ಗೋಡೆ ಕುಸಿತಕ್ಕೆ ಒಳಗಾಗಿದೆ.
ಕೋಟೆಯ ಒಂದು ಬದಿ ಸಂಪೂರ್ಣವಾಗಿ ಕುಸಿದಿದ್ದು, ಪ್ರವಾಸಿಗರಿಗೂ, ಸ್ಥಳೀಯರಿಗೂ ಭೀತಿಯ ವಾತಾವರಣ ಸೃಷ್ಟಿಯಾಗಿದೆ.
ಈ ಆಘಾತಕಾರಿ ಘಟನೆ ಆಕಸ್ಮಿಕವಲ್ಲ, ನಿಕಟದಲ್ಲಿ ನಡೆಯುತ್ತಿರುವ ನಿರ್ವಹಣಾ ನೌಕರಿ ಹಾಗೂ ಆಡಳಿತಾತ್ಮಕ ನಿರ್ಲಕ್ಷ್ಯವೇ ಈ ನಾಶದ ಕಾರಣ.
ಇತಿಹಾಸ ಪ್ರಸಿದ್ಧ ಈ ಕೋಟೆ ಹಾಸನ ಜಿಲ್ಲೆಯ ಸಕಲೇಶಪುರ ತಾಲೂಕಿನ ಗರಿ ಮೇಲೆ ಇದ್ದು, ಇದು ಟಿಪ್ಪು ಸುಲ್ತಾನರ ಕಾಲದಲ್ಲಿ, 1792 ರಲ್ಲಿ ಬ್ರಿಟಿಷರ ವಿರುದ್ಧದ ರಕ್ಷಣಾರ್ಥವಾಗಿ ನಿರ್ಮಿತವಾಗಿತ್ತು. ಇಂತಹ ವೈಭವಶಾಲಿ ಮತ್ತು ಪೌರಾಣಿಕ ಆಧಾರ ಹೊಂದಿದ ಕೋಟೆ ಇಂದು ನಿಗದಿತ ನಿರ್ವಹಣೆಯ ಕೊರತೆಯಿಂದ ನಾಶವಾಗುತ್ತಿದೆ.ಈ ಸಂಬಂಧವಾಗಿ ಸೋಶಿಯಲ್ ಡೆಮಾಕ್ರಟಿಕ್ ಪಾರ್ಟಿ ಆಫ್ ಇಂಡಿಯಾ (SDPI) ನ ಸಕಲೇಶಪುರ ವಿಧಾನಸಭಾ ಘಟಕದ ಪ್ರತಿನಿಧಿಗಳ ತಂಡ ಸ್ಥಳಕ್ಕೆ ಭೇಟಿ ನೀಡಿದ್ದು, ಗೋಡೆಯ ಕುಸಿತದ ಭಾಗಗಳನ್ನು ಪರಿಶೀಲಿಸಿದ್ದಾರೆ.
SDPI ಸಕಲೇಶಪುರ ಘಟಕದ ಅಧ್ಯಕ್ಷರು ಪ್ರಸ್ತಾಪಿಸಿ ಹೀಗೆ ಹೇಳಿದರು:”ಮಂಜರಾಬಾದ್” ಕೋಟೆಯಂತ ಮಹತ್ವದ ಇತಿಹಾಸಿಕ ಸ್ಮಾರಕದ ನಿರ್ವಹಣೆಯಲ್ಲಿ ಸರ್ಕಾರದ ಸಂಪೂರ್ಣ ವಿಫಲತೆಯೇ ಈ ಘಟನೆಯ ಮೂಲ ಕಾರಣವಾಗಿದೆ. ಪ್ರವಾಸೋದ್ಯಮ ಇಲಾಖೆ, ಹಾಸನ ಜಿಲ್ಲಾಡಳಿತ ಹಾಗೂ ಪುರಾತತ್ತ್ವ ಇಲಾಖೆ ಈ ಗಂಭೀರ ನಿರ್ಲಕ್ಷ್ಯದ ಹೊಣೆಗಾರರು.
ತಕ್ಷಣ ಸೂಕ್ತ ರಕ್ಷಣಾ ಕ್ರಮಗಳನ್ನು ಕೈಗೊಂಡು ಕೋಟೆಯನ್ನು ಪುನರ್ ನಿರ್ವಹಣೆಗೆ ಒಳಪಡಿಸದಿದ್ದಲ್ಲಿ, SDPI ಪಕ್ಷದ ವತಿಯಿಂದ ಜಿಲ್ಲಾದ್ಯಂತ ಆಕ್ರೋಶಪೂರ್ವಕ ಪ್ರತಿಭಟನೆ ನಡೆಸಲಾಗುವುದು.”ಇದು ಕೇವಲ ಸ್ಥಳೀಯ ಆಸ್ತಿ ಅಥವಾ ಕಟ್ಟಡವಲ್ಲ; ಇದು ನವೋದಯ ಭಾರತದ ಸ್ವಾತಂತ್ರ್ಯ ಹೋರಾಟದ ನೆನಪಿನ ಸಂಕೇತ. ಇಂತಹ ಸ್ಮಾರಕಗಳ ನಿರ್ವಹಣೆ ಸರ್ಕಾರದ ಮುಖ್ಯ ಕರ್ತವ್ಯವಾಗಿದ್ದು, ಅದರಲ್ಲಿ ವ್ಯತಿರಿಕ್ತತೆ ತೋರಿಸುವುದು ಇತಿಹಾಸದ ವಿರೋಧಿ ನಿಲುವಾಗಿದೆ.SDPI ಪಕ್ಷ ಈ ವಿಷಯವನ್ನು ಗಂಭೀರವಾಗಿ ಪರಿಗಣಿಸುತ್ತಿದ್ದು, ಭವಿಷ್ಯದಲ್ಲಿ ಇಂತಹ ಘಟನೆಗಳು ಪುನರಾವರ್ತನೆಗೊಳ್ಳದಂತೆ, ಸಮಗ್ರ ಯೋಜನೆಯಡಿ ಕೋಟೆಯ ನಿರ್ವಹಣೆ, ಭದ್ರತೆ, ಪ್ರವೇಶ ನಿಯಂತ್ರಣ ಮತ್ತು ಇತಿಹಾಸದ ಮೌಲ್ಯ ಉಳಿವಿಗಾಗಿ ನ್ಯಾಯಯುತ ಹೋರಾಟ ಮುಂದುವರಿಸುವ ನಿರ್ಧಾರವನ್ನು ಪ್ರಕಟಿಸುತ್ತಿದೆ.
ಈ ಸಂದರ್ಭದಲ್ಲಿ ಸಕಲೇಶಪುರ ವಿಧಾನಸಭಾ ಕ್ಷೇತ್ರ ಸಮಿತಿ ಅಧ್ಯಕ್ಷರಾದ ವಾಜಿದ್ ಪಾಶ, ಆನೆಮಹಲ್ ಗ್ರಾಮ ಪಂಚಾಯಿತಿ ಮಾಜಿ ಅಧ್ಯಕ್ಷರಾದ ಅಶ್ರಫ್ ಕೋಟೆ , ಎಸ್ ಡಿ ಪಿ ಐ ಸಕಲೇಶಪುರ ಮಾಧ್ಯಮ ಉಸ್ತುವಾರಿಯಾದ ಯಾಸೀನ್ ಸಕಲೇಶಪುರ ಹಾಗೂ ಕಲಂದರ್, ಆಸಿಫ್ ಉಪಸ್ಥಿತರಿದ್ದರು.