ಬೇಲೂರು : ತಾಲ್ಲೂಕಿನ ಅರೇಹಳ್ಳಿ ಹೋಬಳಿಯ ಅನುಘಟ್ಟ ಪ್ರಾಥಮಿಕ ಕೃಷಿಪತ್ತಿನ ಸಹಕಾರ ಸಂಘದಲ್ಲಿನೆಡೆದ ಅಧ್ಯಕ್ಷರ ಚುನಾವಣೆಯಲ್ಲಿ ಅವಿರೋಧವಾಗಿ ಆಯ್ಕೆಯಾದ ಕೆ ಜಿ ಕುಮಾರ್ .
ನಂತರ ಮಾತನಾಡಿದ ಅವರು ಮಲೆನಾಡು ಭಾಗದ ಸಹಕಾರ ಸಂಘವಾಗಿರುವುದರಿಂದ ಸಣ್ಣ ಹಿಡುವಳಿದಾರರು ಬಹಳ ಸಂಖ್ಯೆಯಲ್ಲಿದ್ದಾರೆ.
ರೈತರಿಗೆ ಕಡಿಮೆ ಹಣವನ್ನು ಸಾಲದ ರೂಪದಲ್ಲಿ ನೀಡಲಾಗುತ್ತಿದೆ. ಈ ಬಾರಿ ನಮ್ಮ ಆಡಳಿತ ಮಂಡಳಿ ನಿಯೋಗ ಸಂಘದ ಜಿಲ್ಲಾ ಕಚೇರಿಗೆ ತೆರಳಿ ಸಾಲ ಹೆಚ್ಚು ನೀಡುವಂತೆ ಮನವಿ ಮಾಡಿಕೊಂಡಿದೆ.
ಕಚೇರಿಯ ಅಧಿಕಾರಿಗಳು ನಮ್ಮ ಮನವಿಗೆ ಸಕರಾತ್ಮಕವಾಗಿ ಸ್ಪಂದಿಸುವ ಭರವಸೆ ನೀಡಿದ್ದಾರೆ ಎಂದರು.
ಈ ಸಂದರ್ಭದಲ್ಲಿ ಉಪಾಧ್ಯಕ್ಷ ಸಿದ್ದಯ್ಯ, ನಿರ್ದೇಶಕರಾದ ಬಿ.ಪಿ ಬಸವರಾಜು, ಬಿ.ಐ ನಟರಾಜು, ಕೆ.ಜಿ ರಾಯ್, ವೀರಭದ್ರಶೆಟ್ಟಿ, ಲೋಲಾಕ್ಷಿ, ಪುಟ್ಟಮ್ಮ, ವಕೀಲರ ಸಂಘದ ಅಧ್ಯಕ್ಷ ಹೆಚ್.ಆರ್ ಚಂದ್ರು, ತಾಲ್ಲೂಕು ಜೆಡಿಎಸ್ ಪ್ರಧಾನ ಕಾರ್ಯದರ್ಶಿ ಹೆಚ್. ಮಹೇಶ್, ಕಾರ್ಯನಿರ್ವಹಣಾಧಿಕಾರಿ ಸತೀಶ್ ಹಾಗೂ ಇನ್ನಿತರರು ಉಪಸ್ಥಿತರಿದ್ದರು.