ಸಕಲೇಶಪುರ : ಪ್ರತಿವರ್ಷದಂತೆ ಸಹ ಈ ವರ್ಷವೂ ಅಯೋಧ್ಯ ಬಲಿದಾನದ ದಿವಸದ ನಿಮಿತ್ತ ಸಕಲೇಶಪುರ ಪಟ್ಟಣದ ಪುರಭವನದಲ್ಲಿ ವಿಶ್ವ ಹಿಂದೂ ಪರಿಷತ್ -ಬಜರಂಗದಳದ ವತಿಯಿಂದ ಬೃಹತ್ ರಕ್ತದಾನ ಶಿಬಿರವನ್ನು ಏರ್ಪಡಿಸಲಾಗಿದೆ.
ಇಂದು ಬೆಳಿಗ್ಗೆ 7-30ರಿಂದ ಪ್ರಾರಂಭವಾದ ರಕ್ತದಾನ ಶಿಬಿರ ಸಂಜೆ 6ಗಂಟೆಯ ವರೆಗೆ ಇರುತ್ತದೆ ಈ ಸಮಯದ ಒಳಗೆ ಬಂದು ಸಾರ್ವಜನಿಕರು ಹಾಗೂ ಕಾರ್ಯಕರ್ತರು ರಕ್ತದಾನ ಮಾಡಬಹುದು ಎಂದು ಬಜರಂಗದಳ ಸಕಲೇಶಪುರ ತಾಲ್ಲೂಕು ಘಟಕ ತಿಳಿಸಿದೆ.
ಕಳೆದ ಬಾರಿಯ ರಕ್ತದಾನ ಶಿಬಿರದಲ್ಲಿ 262 ಯುನಿಟ್ ರಕ್ತ ಸಂಗ್ರಹವಾಗಿತ್ತು, ಈ ಬಾರಿ ಸಕಲೇಶಪುರ ತಾಲ್ಲೂಕಿನ ಕಾರ್ಯಕರ್ತರು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸುವ ನಿರೀಕ್ಷೆಯಿದ್ದು , 300ಕ್ಕೂ ಯುನಿಟ್ ಹೆಚ್ಚು ರಕ್ತ ಸಂಗ್ರಹವಾಗುವ ನಿರೀಕ್ಷೆ ಇದೆ ಎಂದು ವಿಶ್ವ ಹಿಂದೂ ಪರಿಷತ್ ಕಾರ್ಯಕಾರಿಣಿ ಸದಸ್ಯರಾದ ರಘು ಸಕಲೇಶಪುರ ತಿಳಿಸಿದ್ದಾರೆ.
