ಸಕಲೇಶ್ವರಸ್ವಾಮಿ ದೇವರಿಗೆ ಅದ್ದೂರಿಯ ಬ್ರಹ್ಮ ರಥೋತ್ಸವ

ಸಕಲೇಶಪುರ: ತಾಲೂಕಿನ ಊರಹಬ್ಬವೆನಿಸಿದ ಸಕಲೇಶ್ವರ ಸ್ವಾಮಿರವರ ಬ್ರಹ್ಮ ರಥೋತ್ಸವ ಶನಿವಾರ ವಿಜೃಂಭಣೆಯಿಂದ ನಡೆಯಿತು.

ಪ್ರತಿ ವರ್ಷದಂತೆ ಐದು ದಿನಗಳ ಕಾಲ ನಡೆಯಲಿರುವ ರಥೋತ್ಸವ ಕಾರ್ಯಕ್ರಮದ ಮೂರನೆ ದಿನ ಬ್ರಹ್ಮ ರಥೋತ್ಸವ ನಡೆಯುತ್ತದೆ. ಮೊದಲಿಗೆ ದೇವರ ಪೂಜೆ ನಡೆದ ನಂತರ ಉತ್ಸವ ಮೂರ್ತಿಗಳನ್ನು ಮಂಗಳ ವಾದ್ಯಗಳೊಂದಿಗೆ ದೇವಸ್ಥಾನದ ಸುತ್ತ ಪ್ರದಕ್ಷಿಣೆ ನಡೆಸಿ ರಥದಲ್ಲಿ ಪ್ರತಿಷ್ಠಾಪಿಸಲಾಯಿತು.

ರಥಾರೋಹಣ ನಡೆದ ನಂತರ ಬಗೆ ಬಗೆಯಾಗಿ ಅಲಂಕರಿಸಿದ್ದ ರಥವನ್ನು ಭಕ್ತರ ಹರ್ಷೋದ್ಘಾರದೊಂದಿಗೆ ಎಳೆಯಲಾಯಿತು.

ಬ್ರಹ್ಮ ರಥೋತ್ಸವ ಸಾಂಕೇತಿಕ ರಥೋತ್ಸವವಾಗಿದ್ದು, ದೇವಸ್ಥಾನದಿಂದ ಸ್ವಲ್ಪ ದೂರ ಎಳೆದು ನಿಲ್ಲಿಸಲಾಗುತ್ತದೆ ಮುಂದುವರಿದಂತೆ ಭಾನುವಾರ ದಿವ್ಯ ರಥೋತ್ಸವ ನಡೆಯಲಿದ್ದು, ಪಟ್ಟಣದ ಪ್ರಮುಖ ಬೀದಿಗಳಲ್ಲಿ ಸಾವಿರಾರು ಭಕ್ತರ ಸಮ್ಮುಖದಲ್ಲಿ ಉತ್ಸವ ನಡೆಸಲಾಗುವುದು.

ಬಹ್ಮ ರಥೋತ್ಸವದ ದಿನ ಸಣ್ಣ ಕೈಗಾರಿಕಾ ಉದ್ಯಮಿಗಳ ಸಂಘ ಸೇರಿದಂತೆ ಹಲವು ಭಕ್ತಾಧಿಗಳ ಮನೆಯಿಂದ ಭಕ್ತರಿಗಾಗಿ ತಂಪು ಪಾನಿಯ, ಪ್ರಸಾದ, ಪಾನಕ, ಮಜ್ಜಿಗೆ ವಿತರಿಸಲಾಯಿತು.

ರಥೋತ್ಸವಕ್ಕೆ ಬಂದಿದ್ದ ಭಕ್ತರು ಇಷ್ಟಾರ್ಥ ಸಿದ್ಧಿಗಾಗಿ ಮಂಗಳ ದ್ರವ್ಯಗಳನ್ನು ನೀಡಿ ಪೂಜೆ ಸಲ್ಲಿಸಿದರೆ ಯುವಕರು ರಥದ ಕಳಶಕ್ಕೆ ಬಾಳೆಹಣ್ಣು ಹೊಡೆಯುವ ಮುಖಾಂತರ ಸಂಭ್ರಮ ಆಚರಿಸಿದರು.

ದೇವಸ್ಥಾನ ಸಮಿತಿ, ಭಕ್ತ ಮಂಡಳಿ ಹಾಗೂ ರಥೋತ್ಸವ ವ್ಯವಸ್ಥಾಪನಾ ಸಮಿತಿ ಪದಾಧಿಕಾರಿಗಳು ಬಹ್ಮ ರಥೋತ್ಸವದ ಉಸ್ತುವಾರಿ ನೋಡಿಕೊಂಡರು. ಬಿಗಿ ಪೊಲೀಸ್ ಬಂದೋಬಸ್‌ತ್ ಮಾಡಲಾಗಿತ್ತು.

ಈ ವೇಳೆ ಸಂಸದ ಪ್ರಜ್ವಲ್ ರೇವಣ್ಣ, ಶಾಸಕ ಸಿಮೆಂಟ್ ಮಂಜು ಮಾಜಿ ಶಾಸಕ ಎಚ್. ಕೆ ಕುಮಾರಸ್ವಾಮಿ, ಉಪವಿಭಾಗಾಧಿಕಾರಿ ಡಾ.ಶ್ರುತಿ, ತಹಶೀಲ್ದಾರ್ ಮೇಘನಾ, ಮಾಜಿ ಜಿಲ್ಲಾ ಪಂಚಾಯತಿ ಸದಸ್ಯೆ ಚಂಚಲಕುಮಾರಸ್ವಾಮಿ, ದೇವಸ್ಥಾನದ ಪದಾಧಿಕಾರಿಗಳು ಸೇರಿದಂತೆ ಇತರರು ಹಾಜರಿದ್ದರು.

ಈ ಸಂದರ್ಭದಲ್ಲಿ ಮಾಧ್ಯಮದೊಂದಿಗೆ ಮಾತನಾಡಿದ ಸಕಲೇಶಪುರ ಉಪವಿಭಾಗಾಧಿಕಾರಿ ಡಾ. ಶೃತಿ ಶ್ರೀ ಸಕಲೇಶ್ವರಸ್ವಾಮಿ ದಿವ್ಯ ರಥೋತ್ಸವದ ಅಂಗವಾಗಿ ದಿನಾಂಕ 24 ರಿಂದ ಮಾರ್ಚ್ 8 ರ ವರೆಗೆ ಟಾಟಾ ಮೈದಾನದಲ್ಲಿ ವಸ್ತು ಪ್ರದರ್ಶನದ ವಿವಿಧ ಮನರಂಜನಾ ಕಾರ್ಯಕ್ರಮಗಳು ನಡೆಯಲಿದೆ ಎಂದು ಉಪ ವಿಭಾಗಾಧಿಕಾರಿ ಡಾಕ್ಟರ್ ಎಂ ಕೆ ಶೃತಿ ಹೇಳಿದ್ದಾರೆ.

ತಮ್ಮ ಕಚೇರಿಯಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು 25ರಂದು ಭಾನುವಾರ ಮೈಸೂರು ಕಲಾವಿದರಿಂದ ಸಂಜೆ 7:30ಕ್ಕೆ ರಸಮಂಜರಿ ಕಾರ್ಯಕ್ರಮ 26ರಂದು 7:30ಕ್ಕೆ ಸಂತ ಜೋಸೆಫರ ಶಾಲಾ ಮಕ್ಕಳಿಂದ ಕಾರ್ಯಕ್ರಮ ನಡೆಯಲಿದ್ದು 27ರಂದು ಸಾರ್ವಜನಿಕರಿಗಾಗಿ ಸುಭಾಷ್ ಮೈದಾನದಲ್ಲಿ ಕ್ರಿಕೆಟ್ ಪಂದ್ಯಾವಳಿಯನ್ನು ಬೆಳಗ್ಗೆ ಒಂಬತ್ತು ಗಂಟೆಗೆ ಏರ್ಪಡಿಸಲಾಗಿದೆ ಆಸಕ್ತರು ಭಾಗವಹಿಸಬಹುದು ಎಂದು ಹೇಳಿದರು.

27ರಂದು ಉದೇವಾರ ಮತ್ತು ಬಾಗೆ ಶಾಲಾ ಮಕ್ಕಳಿಂದ ಕಾರ್ಯಕ್ರಮ ನಡೆಯುತ್ತದೆ, 28 ರಂದು ಮಹಿಳೆಯರಿಗಾಗಿ ಸುಭಾಷ್ ಮೈದಾನದಲ್ಲಿ ಬೆಳಗ್ಗೆ 9 ರಿಂದ ಮ್ಯೂಸಿಕಲ್ ಚೇರ್ ಹಾಗೂರಿಂಗ್ ಎಸೆತ ನಡೆಯಲಿದೆ,ಅದೆ ದಿನ ರಾತ್ರಿ 7-30 ಶಟಲ್ ಬ್ಯಾಟ್ ಮಿಟನ್ 29ರಂದು ಮಹಿಳೆಯರಿಗಾಗಿ ಬೆಳಗ್ಗೆ ಒಂಬತ್ತು ಗಂಟೆಗೆ ಸರ್ಕಾರಿ ಮಾದರಿ ಹಿರಿಯ ಪ್ರಾಥಮಿಕ ಶಾಲೆ ಆವರಣದಲ್ಲಿ ಥ್ರೋಬಾಲ್ ಪಂದ್ಯಾವಳಿಯನ್ನು ಏರ್ಪಡಿಸಲಾಗಿದೆ, ಅದೇ ದಿನ ಮಧ್ಯಾನ 3 ಗಂಟೆಗೆ ಮಹಿಳೆಯರಿಗಾಗಿ ರಂಗೋಲಿ ಸ್ಪರ್ಧೆಯನ್ನು ಪುರಭವನದಲ್ಲಿ ಏರ್ಪಡಿಸಿದ್ದು ಸಂಜೆ 7:30ಕ್ಕೆ ಜಾತ್ರಾ ಆವರಣದಲ್ಲಿ ಸಕಲೇಶಪುರ ಬೀಟ್ಸ್ ರವರಿಂದ ರಸಮಂಜರಿ ಕಾರ್ಯಕ್ರಮ ನಡೆಯಲಿದೆ ಎಂದರು.

ಮಾರ್ಚ್ 1 ರಂದು ಸಂಜೆ 7:30ಕ್ಕೆ ವಸ್ತು ಪ್ರದರ್ಶನದ ಆವರಣದಲ್ಲಿ ಶಟಲ್ ಬ್ಯಾಟ್ ಮಿಟನ್ 2 ರಂದು ಬೆಳಗ್ಗೆ 9:00 ರಿಂದ ಪುರಭವನದಲ್ಲಿ ಪುರುಷ ಹಾಗೂ ಮಹಿಳೆಯರಿಗಾಗಿ ಕೇರಂ ಮತ್ತು ಚೆಸ್ ಕ್ರೀಡೆಯನ್ನು ಅದೇ ದಿನ ಸಂಜೆ 7:30ಕ್ಕೆ ವಿದ್ವಾನ್ ದಯಾನಂದ ಸಾರಥ್ಯದ ಕಲಾಭಾರತಿ ನಾಟ್ಯ ಶಾಲೆ ಸಕಲೇಶಪುರ ಅವರಿಂದ ನೃತ್ಯ ರೂಪಕ ಕಾರ್ಯಕ್ರಮ ಜರುಗಲಿದ್ದು ಮೂರರಂದು ಬೆಳಗ್ಗೆ 9 ಘಂಟೆಗೆ ಸುಭಾಷ್ ಮೈದಾನದಲ್ಲಿ ಪುರುಷರಿಗಾಗಿ ಫುಟ್ ಬಾಲ್ ಪಂದ್ಯ ನಡೆಯಲಿದೆ, ಅದೇ ದಿನ ಸಂಜೆ 7-30 ಕ್ಕೆ ಜಾತ್ರಾ ಆವರಣದಲ್ಲಿ ಡ್ಯಾನ್ಸ್ ಕೀಪಜ್ ತಂಡದಿಂದ ನೃತ್ಯ ಕಾರ್ಯಕ್ರಮ ನಡೆಯಲಿದೆ.

4 ರಂದು ಬೆಳಗ್ಗೆ 9 ರಿಂದ ಸರ್ಕಾರಿ ನೌಕರರಿಗಾಗಿ ಸುಭಾಷ್ ಮೈದಾನದಲ್ಲಿ ಕ್ರಿಕೇಟ್ ಪಂದ್ಯಾವಳಿಯನ್ನು ,ಅದೆ ದಿನ ಸಂಜೆ 7-30 ಕ್ಕೆ ತಾಲೂಕು ಮಟ್ಟದ ಕಬ್ಬಡಿ ಪಂದ್ಯಾವಳಿಯನ್ನು ಜಾತ್ರಾ ಮೈದಾನದಲ್ಲಿ ನಡೆಯಲಿದೆ ಸಂಜೆ 7:30ಕ್ಕೆ ಜಿಲ್ಲಾ ಮಟ್ಟದ ಕಬಡ್ಡಿ ಪಂದ್ಯಾವಳಿಯನ್ನು ಜಾತ್ರಾ ಆವರಣದಲ್ಲಿ ನಡೆಸಲಾಗುವುದು

6 ರಂದು ಸಂಜೆ 7:30ಕ್ಕೆ ವಸ್ತು ಪ್ರದರ್ಶನದ ಆವರಣದಲ್ಲಿ ಸರ್ಕಾರಿ ನೌಕರರ ಸಂಘದಿಂದ ಮನರಂಜನಾ ಕಾರ್ಯಕ್ರಮ.

7 ರಂದು ಸಂಜೆ 7:30ಕ್ಕೆ ಜೂನಿಯರ್ ಪುನೀತ್ ರಾಜ್ ಕುಮಾರ್ ತಂಡದಿಂದ ರಸಮಂಜರಿ ಕಾರ್ಯಕ್ರಮ ನಡೆಯಲಿದೆ.

8 ರಂದು ಸಂಜೆ 7:30ಕ್ಕೆ 200 ಕ್ಕೂ ಹೆಚ್ಚು ಕಲಾವಿದರಿಂದ ವಿವಿಧ ರಾಜ್ಯಗಳ ಪಂಜಾಬಿ, ರಾಜಸ್ಥಾನಿ, ಲಂಬಾಣಿ, ಕೇರಳದ ತಯ್ಯಂ ನೃತ್ಯದೊಂದಿಗೆ ಕರ್ನಾಟಕದ ಯಕ್ಷಗಾನ ದೊಂದಿಗೆ ಚಂಡೆ, ಭಾನುವಾರದ ಮಂಡೆ ಕಂಸಾಳೆ ಡೊಳ್ಳು ಕುಣಿತ ಜಾನಪದ ನೃತ್ಯ ಕಲೆಗಳ ಜಾತ್ರೆ ಕಲಾ ಪರ್ವ ಕಾರ್ಯಕ್ರಮ ನಡೆಯಲಿದೆ ಎಂದು ತಿಳಿಸಿದರು.