ಸಕಲೇಶಪುರ ಪಟ್ಟಣದ ಹೆತ್ತೂರು ಹೋಬಳಿ ಗ್ರಾಮ ಪಂಚಾಯಿತಿಯಲ್ಲಿ ಇಂದು ಸಂಸದ ಪ್ರಜ್ವಲ್ ರೇವಣ್ಣ ರವರ ಅಧ್ಯಕ್ಷತೆಯಲ್ಲಿ ಸಾರ್ವಜನಿಕರ ಕುಂದು ಕೊರತೆ ಸಭೆಯನ್ನು ಏರ್ಪಡಿಸಲಾಯಿತು. ಪ್ರಜ್ವಲ್ ರೇವಣ್ಣ ಅವರ ಆಗಮನದಿಂದ ಹಲವಡೆ ಗ್ರಾಮಗಳಿಂದ ಸಾರ್ವಜನಿಕರು ಸಾವಿರಾರು ಸಂಖ್ಯೆಯಲ್ಲಿ ಪಾಲ್ಗೊಂಡಿದ್ದರು. ಸರ್ವೆ ಅಧಿಕಾರಿಗಳು ಮತ್ತು ಸರಕಾರಿ ತಾಲ್ಲೂಕು ಆಸ್ಪತ್ರೆ ತಾಲ್ಲೂಕು ಕಚೇರಿ ಹೀಗೆ ಅನೇಕ ಸರಕಾರಿ ಕಚೇರಿಗಳಲ್ಲೂ ಲಂಚ ಅವತಾರ ತಾಂಡವ ಆಡುತ್ತಿದೆ. ಇದರ ಬಗ್ಗೆ ತಾವು ಕ್ರಮ ಕೈಗೊಳ್ಳಬೇಕು ಎಂದು ಸಾರ್ವಜನಿಕರು ಒತ್ತಾಯ ಮಾಡಿದರು. ಸಂಸದರು ಮಾತನಾಡಿ ಕೆಲ ಇಲಾಖೆಗಳಲ್ಲಿ ಅಧಿಕಾರಿಗಳು ಲಂಚ ಪಡೆಯುವುದು ನನ್ನ ಗಮನಕ್ಕೆ ಬಂದಿದೆ ಹೀಗೆ ಮುಂದುವರೆದರೆ ಅವರ ಮೇಲೆ ಕಾನೂನು ಕ್ರಮ ಕೈಗೊಳ್ಳುತ್ತೇವೆ ಸಾರ್ವಜನಿಕರಿಗೆ ಉತ್ತಮ ಸೇವೆ ಸಲ್ಲಿಸಬೇಕು. ನಮ್ಮ ಕ್ಷೇತ್ರ ಲಂಚಮುಕ್ತವಾಗಬೇಕು ಇದರಿಂದ ಬಡವರಿಗೆ ತುಂಬಾ ಅನುಕೂಲವಾಗುತ್ತದೆ ಇದು ನನ್ನ ಗಮನಕ್ಕೆ ಮತ್ತೆ ಬಂದರೆ ಅಂತ ಅಧಿಕಾರಿಗಳನ್ನು ಕೆಲಸದಿಂದ ವಜಗೊಳಿಸಲಾಗುವುದು ಎಂದು ಎಚ್ಚರಿಸಿದರು. ಈ ಸಂದರ್ಭದಲ್ಲಿ ಮಾಜಿ ಶಾಸಕರಾದ ಎಚ್ ಕೆ ಕುಮಾರಸ್ವಾಮಿ , ಜಿಲ್ಲಾ ಪಂಚಾಯಿತಿ ಸಂಸದರಾದ ಚಂಚಲ ಕುಮಾರಸ್ವಾಮಿ , ಸುದರ್ಶನ್, ಜೆಡಿಎಸ್ ಮುಖಂಡರುಗಳು, ಇತರರು ಪಾಲ್ಗೊಂಡಿದ್ದರು.