ಮಧ್ಯಪ್ರದೇಶದ ಸೆಹೋರ್ನಲ್ಲಿ 300 ಅಡಿ ಆಳದ ಕೊಳವೆಬಾವಿಗೆ ಬಿದ್ದ ಎರಡೂವರೆ ವರ್ಷದ ಬಾಲಕಿಯನ್ನ 55 ಗಂಟೆಗಳ ಕಾರ್ಯಾಚರಣೆಯ ನಂತ್ರ ರಕ್ಷಿಸಲಾಗಿದೆ. ಸಧ್ಯ ಬಾಲಕಿಯನ್ನ ಚಿಕಿತ್ಸೆಗಾಗಿ ಆಸ್ಪತ್ರೆಗೆ ಸೇರಿಸಲಾಗಿದೆ.ಸೃಷ್ಟಿ ಎಂಬ ಬಾಲಕಿ ಮಂಗಳವಾರ ಮಧ್ಯಾಹ್ನ 1 ಗಂಟೆ ಸುಮಾರಿಗೆ ಕೊಳವೆಬಾವಿಗೆ ಬಿದ್ದಿದ್ದಳು. ಆರಂಭದಲ್ಲಿ ಸುಮಾರು 40 ಅಡಿ ಆಳದಲ್ಲಿ ಸಿಕ್ಕಿಬಿದ್ದ ಆಕೆ ದುರದೃಷ್ಟವಶಾತ್ ರಕ್ಷಣಾ ಯಂತ್ರದಿಂದ ಉಂಟಾದ ಕಂಪನಗಳಿಂದಾಗಿ ಸುಮಾರು 100 ಅಡಿಗೆ ಜಾರಿದರು ಎಂದು ಮಧ್ಯಪ್ರದೇಶದ ಮುಖ್ಯಮಂತ್ರಿ ಶಿವರಾಜ್ ಸಿಂಗ್ ಚೌಹಾಣ್ ಬುಧವಾರ ದೃಢಪಡಿಸಿದ್ದಾರೆ.ತಕ್ಷಣವೇ ಸೇನೆಯು ರಾಷ್ಟ್ರೀಯ ವಿಪತ್ತು ಪ್ರತಿಕ್ರಿಯೆ ಪಡೆ (NDRF) ಮತ್ತು ರಾಜ್ಯ ವಿಪತ್ತು ತುರ್ತು ಪ್ರತಿಕ್ರಿಯೆ ಪಡೆ (SDERF) ನೊಂದಿಗೆ ರಕ್ಷಣಾ ಪ್ರಯತ್ನಗಳಲ್ಲಿ ಸೇರಿಕೊಂಡಿತು. ಹನ್ನೆರಡು ಭೂಮಿಯನ್ನ ಚಲಿಸುವ ಮತ್ತು ಪೊಕ್ಲೈನ್ ಯಂತ್ರಗಳು ಕಾರ್ಯಾಚರಣೆಯಲ್ಲಿ ತೋಡಗಿಸಿಕೊಳ್ಳಲಾಗಿತ್ತುರೊಬೊಟಿಕ್ ತಜ್ಞರ ತಂಡವು ಗುರುವಾರ ಬೆಳಿಗ್ಗೆ ರಕ್ಷಣಾ ಕಾರ್ಯಾಚರಣೆಗೆ ಸೇರಿಕೊಂಡಿತು. ಮಗುವಿನ ಸ್ಥಿತಿಯ ಬಗ್ಗೆ ಮಾಹಿತಿ ಸಂಗ್ರಹಿಸಲು ಬೋರ್ ವೆಲ್’ಗೆ ರೋಬೋಟ್ ನಿಯೋಜಿಸಲಾಗಿತ್ತು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.