ಪಾಕಿಸ್ತಾನದ ಬಲೂಚಿಸ್ತಾನ ಪ್ರಾಂತ್ಯದ ರಾಜಧಾನಿ ಕ್ವೆಟ್ಟಾವನ್ನು ಬಲೂಚಿಸ್ತಾನ್ ಲಿಬರೇಶನ್ ಆರ್ಮಿ (ಬಿಎಲ್ಎ) ತನ್ನ ನಿಯಂತ್ರಣಕ್ಕೆ ತೆಗೆದುಕೊಂಡಿದೆ ಎಂದು ಘೋಷಿಸಿದೆ. ಭಾರತದೊಂದಿಗೆ ಇಸ್ಲಾಮಾಬಾದ್ ಮತ್ತು ರಾವಲ್ಪಿಂಡಿಯಲ್ಲಿ ಉದ್ವಿಗ್ನತೆ ತಾರಕಕ್ಕೇರಿರುವ ಬೆಳವಣಿಗೆಯ ನಡುವೆ, ಪಾಕಿಸ್ತಾನಿ ಸೇನೆಯನ್ನು ಕ್ವೆಟ್ಟಾದಿಂದ ಹೊರದಬ್ಬುವಲ್ಲಿ ಬಲೂಚ್ ಹೋರಾಟಗಾರರು ಯಶಸ್ವಿಯಾಗಿದ್ದಾರೆ ಎಂದು ಬಿಎಲ್ಎ ಹೇಳಿಕೊಂಡಿದೆ.
ಭಾರತ ಬಲೂಚ್ ನಡುವೆ ಸಿಲುಕಿಕೊಂಡ ಪಾಕ್:ಭಾರತದ ಗಡಿಯಲ್ಲಿ ಪಾಕಿಸ್ತಾನ ತನ್ನ ಡ್ರೋನ್ಗಳು ಮತ್ತು ಕ್ಷಿಪಣಿಗಳ ಮೂಲಕ ಅಮೃತಸರ, ಜಲಂಧರ್, ಜೈಸಲ್ಮೇರ್, ಮತ್ತು ಉಧಂಪುರದಂತಹ ನಗರಗಳನ್ನು ಗುರಿಯಾಗಿಸಿಕೊಂಡು ದಾಳಿಗಳನ್ನು ನಡೆಸಲು ಪ್ರಯತ್ನಿಸಿದೆ.
ಈ ಉದ್ವಿಗ್ನತೆಯ ನಡುವೆ, ಬಲೂಚಿಸ್ತಾನದಲ್ಲಿ ಬಿಎಲ್ಎ ಹೋರಾಟಗಾರರು ಪಾಕಿಸ್ತಾನಿ ಸೇನೆಗೆ ಭಾರೀ ಸವಾಲು ಒಡ್ಡಿದ್ದಾರೆ.ಕ್ವೆಟ್ಟಾದಲ್ಲಿ ತೀವ್ರ ಘರ್ಷಣೆಕ್ವೆಟ್ಟಾದ ಫ್ರಾಂಟಿಯರ್ ಕಾರ್ಪ್ಸ್ ಪ್ರಧಾನ ಕಚೇರಿಯ ಮೇಲೆ ಬಿಎಲ್ಎ ದಾಳಿ ನಡೆಸಿದ ನಂತರ ಭಾರೀ ಉದ್ವಿಗ್ನತೆ ಉಂಟಾಗಿದೆ.
ಜಂಗ್ಲೆ ಬಾಗ್ನ ಕಾಂಬ್ರಾನಿ ರಸ್ತೆಯ ಕ್ಯಾಪ್ಟನ್ ಸಫರ್ ಖಾನ್ ಚೆಕ್ ಪೋಸ್ಟ್ನಲ್ಲಿ ಎರಡು ಸ್ಫೋಟಗಳು ವರದಿಯಾಗಿವೆ. ಇದೇ ರೀತಿ, ಕಿರಣಿ ರಸ್ತೆಯ ಹಜಾರಾ ಪಟ್ಟಣದಲ್ಲಿರುವ ಪಾಕಿಸ್ತಾನಿ ಪಡೆಗಳ ಪೋಸ್ಟ್ನ ಮೇಲೆ ಶಸ್ತ್ರಸಜ್ಜಿತ ವ್ಯಕ್ತಿಗಳು ಗುಂಡಿನ ದಾಳಿ ಮತ್ತು ಸ್ಫೋಟಗಳನ್ನು ನಡೆಸಿದ್ದಾರೆ.